مشرقی ریجن میں دھند اور تیز ہواؤں کی پیش گوئی

قومی مرکز برائے موسمیات نے آج منگل کو مشرقی ریجن میں دھند کی لہر سے متعلق خبردار کیا ہے، جو دمام اور ظہران سمیت الجبیل، راس تنورہ، القطیف، الخبر اور بقیق کے اضلاع کو متاثر کرے گی۔

مرکز کے مطابق دھند کے باعث افقی حد نگاہ ایک سے تین کلومیٹر تک محدود ہو سکتی ہے، خاص طور پر شاہراہوں اور کھلے علاقوں میں۔ یہ صورتحال صبح آٹھ بجے تک برقرار رہنے کا امکان ہے۔

دیگر اضلاع میں تیز ہوائیں

اسی حوالے سے مرکز نے بتایا کہ حفر الباطن، الخفجی، النعيریہ اور قریہ العلیا کے اضلاع میں تیز ہوائیں چلنے کی توقع ہے جن کی رفتار 40 سے 49 کلومیٹر فی گھنٹہ تک ہو سکتی ہے۔

ان ہواؤں کے باعث گرد و غبار اٹھنے اور افقی حد نگاہ تین سے پانچ کلومیٹر تک محدود ہونے کا خدشہ ہے، خاص طور پر شاہراہوں اور کھلے علاقوں میں۔ یہ صورتحال شام سات بجے تک جاری رہ سکتی ہے۔