جازان میں ابتدائی انتباہی نظام فعال، شہری دفاع کی ہدایت

سعودی شہری دفاع نے ہفتے کے روز جازان میں ہنگامی حالات کے لیے قومی ابتدائی انتباہی نظام کے تحت خطرے کے پیش نظر انتباہ جاری کیا ہے۔

شہری دفاع نے شہریوں پر زور دیا ہے کہ وہ پرسکون رہیں، سرکاری ہدایات پر عمل کریں، عمارتوں کے اندر رہیں اور کسی محفوظ اندرونی کمرے یا ایسی جگہ منتقل ہو جائیں جو کھڑکیوں سے دور ہو۔ خطرہ ختم ہونے تک گھر یا عمارت نہ چھوڑیں۔

ہدایات میں کھلی جگہوں اور شیشے سے دور رہنے، بالکونی یا چھت پر نہ جانے کی تاکید کی گئی ہے۔ جبکہ باہر موجود افراد کو ہدایت کی گئی ہے کہ وہ قریبی عمارت میں داخل ہو جائیں یا کسی مضبوط دیوار کے پیچھے پناہ لیں۔