سعودی عرب کے بیشتر علاقوں میں بدھ تک بارشوں کا سلسلہ جاری رہے گا

قومی مرکز برائے موسمیات نے اعلان کیا ہے کہ آج ہفتے سے آئندہ بدھ تک سعودی عرب کے بیشتر علاقوں میں گرج چمک کے ساتھ بارشوں کا سلسلہ جاری رہے گا۔

مرکز نے اپنی سرکاری ویب سائٹ پر بتایا کہ باحہ، مکہ مکرمہ، جازان اور عسیر کے علاقوں میں درمیانے سے تیز درجے کی بارشیں متوقع ہیں۔

مرکز کے مطابق مدینہ منورہ، حائل، الجوف، شمالی حدود، تبوک اور مشرقی ریجن کے بعض حصوں میں ہلکی سے درمیانے درجے کی بارشیں ہوں گی۔