نومبر: بارشوں کا مہینہ، راتیں ٹھنڈی رہیں گی، الحصینی

موسمیات اور آب و ہوا کے محقق عبدالعزیز الحصینی نے کہا ہے کہ نومبر، جو کل اتوار سے شروع ہو رہا ہے، سعودی عرب میں خزاں کے بارشوں والے مہینوں میں شمار ہوتا ہے۔

انہوں نے اپنے ایکس اکاؤنٹ پر بتایا کہ نومبر کے ابتدائی دن 'الوسم' کے دنوں میں شامل ہیں، اس دوران موسم دن میں معتدل جبکہ رات اور صبح کے وقت ٹھنڈا رہتا ہے۔

الحصینی کے مطابق نومبر کا دوسرا عشرہ دن میں معتدل اور صبح کے وقت ٹھنڈا رہتا ہے، جبکہ آخری عشرے میں صبح و شام ٹھنڈک غالب رہتی ہے، دوپہر کو موسم معتدل اور رات کو پھر ٹھنڈا ہو جاتا ہے۔