نفسیاتی امراض کے صرف 13 فیصد مریض پہلے سال میں ڈاکٹر سے رجوع کرتے ہیں

سعودی ایسوسی ایشن برائے نفسیاتی طب کے سربراہ ڈاکٹر فراس العواد کا کہنا ہے کہ نفسیاتی امراض میں مبتلا صرف 13 فیصد مریض پہلے سال کے دوران ڈاکٹر سے رجوع کرتے ہیں۔

انہوں نے الاخباریہ چینل سے گفتگو میں مزید کہا کہ علاج میں تاخیر کی ایک بڑی وجہ کم آگاہی اور سماجی بدنامی ہے، جس کے باعث بعض اوقات علاج شروع کرنے میں آٹھ سال تک لگ جاتے ہیں۔ اس تاخیر سے علاج مشکل ہو جاتا ہے اور اس سے ابتدائی تشخیص کی اہمیت مزید اجاگر ہوتی ہے۔

ڈاکٹر العواد نے اس جانب بھی توجہ دلائی کہ ذہنی صحت انسان کی زندگی کا اہم پہلو ہے، جو نہ صرف فرد پر بلکہ اس کے ماحول، خاندان، کام اور تعلیم پر بھی اثرانداز ہوتی ہے۔

ایکس پر مکمل خبر دیکھیں