ہفتہ کو گرج چمک کے ساتھ بارش اور گرد آلود ہوائیں متوقع

محکمہ موسمیات نے آج کے موسم کی رپورٹ میں بتایا ہے کہ جازان، عسیر، الباحہ، مکہ مکرمہ، تبوک، الجوف اور شمالی حدود کے کچھ حصوں میں درمیانی سے تیز گرج چمک کے ساتھ بارش کا امکان ہے، جو سیلابی ریلوں، ژالہ باری اور تیز گرد آلود ہواؤں کا باعث بن سکتی ہے، جس سے افقی حد نگاہ تقریباً ختم ہو سکتی ہے۔ مدینہ منورہ اور حائل کے کچھ علاقوں میں ہلکی سے درمیانی بارش متوقع ہے۔ اسی طرح مشرقی ریجن کے جنوبی حصوں میں بھی گرج چمک کے ساتھ بارش اور رات یا صبح کے اوقات میں ساحلی علاقوں میں دھند چھانے کا امکان ہے، جبکہ مکہ مکرمہ اور مدینہ منورہ کے ساحلی حصوں میں بھی یہی صورتحال رہ سکتی ہے۔

رپورٹ کے مطابق بحیرہ احمر میں سطحی ہوائیں شمال مغرب سے مغرب کی سمت 15 تا 35 کلومیٹر فی گھنٹہ جبکہ جنوب مغرب سے شمال مغرب کی سمت 10 تا 25 کلومیٹر فی گھنٹہ رہیں گی، تاہم گرج چمک کے ساتھ بارش کے دوران رفتار 50 کلومیٹر فی گھنٹہ سے تجاوز کر سکتی ہے۔ سمندر میں لہریں آدھے میٹر سے ایک میٹر تک اور گرج چمک کے ساتھ دو میٹر سے بھی زیادہ بلند ہو سکتی ہیں۔ عام حالات میں سمندر ہلکا، جبکہ گرج چمک کے ساتھ موجزن ہو جائے گا۔

خلیج عرب میں سطحی ہوائیں شمال مغرب سے شمال مشرق اور شمال مغرب سے جنوب مغرب کی سمت 10 تا 25 کلومیٹر فی گھنٹہ رہیں گی۔ لہریں آدھے میٹر سے ایک میٹر تک بلند ہوں گی اور سمندر ہلکا موجزن رہے گا۔