مشرقی ریجن میں تیز ہوائیں اور گرد و غبار کا انتباہ

قومی مرکز برائے موسمیات نے پیر کے روز مشرقی ریجن کے متعدد شہروں اور اضلاع میں 50 سے 59 کلومیٹر فی گھنٹہ کی رفتار سے چلنے والی تیز ہواؤں کا انتباہ جاری کیا ہے۔

مرکز کے مطابق یہ انتباہ دمام اور ظہران کے علاوہ حفر الباطن، الخفجی، النعیریہ، قریہ العلیا، رأس تنورہ، الجبیل، القطیف، الخبر، بقیق، الاحساء اور ان سے ملحقہ دیہات و مراکز کے لیے جاری کیا گیا ہے۔

مرکز نے بتایا کہ یہ تیز ہوائیں گرد و غبار کا باعث بن سکتی ہیں، جس سے افقی حد نگاہ ایک سے تین کلومیٹر تک محدود ہو سکتی ہے، خاص طور پر کھلے علاقوں اور شاہراہوں پر۔

قومی مرکز برائے موسمیات کے مطابق یہ موسمی صورتحال آج رات نو بجے تک برقرار رہنے کا امکان ہے۔