ولی عہد کو صدر قازقستان کا اہم پیغام موصول

سعودی ولی عہد و وزیراعظم شہزادہ محمد بن سلمان بن عبدالعزیز کو قازقستان کے صدر قاسم جومارت توقایف کی جانب سے دو طرفہ تعلقات سے متعلق تحریری پیغام موصول ہوا ہے۔

یہ پیغام سعودی نائب وزیر خارجہ انجینئر ولید بن عبد الکریم الخریجی نے آج ریاض میں وزارت خارجہ کے دفتر میں قازقستان کے نائب وزیر خارجہ اَرمان اساجالیف سے ملاقات کے دوران وصول کیا۔

ملاقات میں دونوں ممالک کے درمیان تعلقات اور باہمی دلچسپی کے امور پر تبادلہ خیال کیا گیا۔ اس موقع پر سعودی عرب میں قازقستان کے سفیر مادیار مینلبیکوف بھی موجود تھے۔