حوثیوں کا بیلسٹک میزائل جنوبی علاقے کی جانب، اتحادی افواج نے ناکام بنا دیا

یمن میں قانونی حکومت کی حمایت کرنے والے اتحادی افواج کے ترجمان بریگیڈیئر جنرل ترکی المالکی نے منگل کے روز بتایا کہ حوثی ملیشیا کی جانب سے جنوبی علاقے کی طرف داغا گیا بیلسٹک میزائل کامیابی سے روکا اور تباہ کر دیا گیا۔

اس سے قبل بریگیڈیئر جنرل ترکی المالکی نے بتایا تھا کہ اتحادی افواج نے حوثی دہشت گرد ملیشیا کے زیر انتظام بیلسٹک میزائلوں کے پرزے تیار اور اسمبل کرنے والی ایک فیکٹری کو تباہ کر دیا ہے۔

انہوں نے مزید کہا کہ کارروائیوں میں بیلسٹک میزائلوں کے ایندھن (ٹھوس ایندھن) کو تیار اور مکس کرنے والی ایک کیمیائی فیکٹری بھی تباہ کی گئی۔

انہوں نے یہ بھی بتایا کہ بیلسٹک میزائلوں کے الیکٹرانک سسٹمز کو اسمبل کرنے والی ایک الیکٹرانکس لیبارٹری کو بھی نشانہ بنا کر تباہ کیا گیا۔

ترکی المالکی نے اس عزم کا اعادہ کیا کہ اتحادی افواج حوثی دہشت گرد ملیشیا کی بیلسٹک میزائل نیٹ ورک کو کمزور اور غیر مؤثر بنانے کے لیے اپنی کارروائیاں جاری رکھے گی۔