نائب امیر ریاض کا ارامکو کے دفتر کا دورہ

نائب امیر ریاض شہزادہ محمد بن عبدالرحمن بن عبدالعزیز نے دارالحکومت ریاض میں سعودی ارامکو کے ایک سول انتظامی دفتر کا دورہ کیا تاکہ حوثی دہشت گرد ملیشیا کے شہری تنصیبات پر حملے سے ہونے والے محدود نقصانات کا جائزہ لے سکیں۔

انہوں نے کہا کہ یہ حملے اس بات کی تصدیق کرتے ہیں جو مملکت نے حوثی دہشت گرد ملیشیا اور ان کے شہری اہداف کو نشانہ بنانے کے حوالے سے بارہا واضح کیا ہے۔ انہوں نے سول، عسکری اور سکیورٹی شعبوں میں سب کی کوششوں کو سراہا۔

شہزادہ محمد بن عبدالرحمن نے کمپنی اور علاقے کے متعلقہ اداروں کی جانب سے اختیار کردہ اقدامات کے بارے میں بریفنگ بھی سنی اور کمپنی کے ملازمین کے کام کو آسان بنانے کے لیے تمام ضروری سہولیات فراہم کرنے کی ہدایت کی۔

انہوں نے قیادت کی جانب سے مملکت کے امن و استحکام کے لیے کی جانے والی کوششوں کو سراہا، قومی یکجہتی اور سعودی فورسز کے جوانوں کی تیاری کی تعریف کی اور اللہ تعالیٰ سے دعا کی کہ وہ مملکت کو امن، استحکام اور خوشحالی عطا فرمائے۔

اس موقع پر نائب امیر کے ہمراہ علاقے کے متعدد سکیورٹی حکام بھی موجود تھے۔