مدینہ منورہ میں بحری سلامتی قوانین کی خلاف ورزی پر 6 افراد گرفتار

مدینہ منورہ ریجن کے ضلع ینبع میں بارڈر گارڈ کی ساحلی گشت نے چھ شہریوں کو بحری سلامتی اور سکیورٹی کے ضوابط کی خلاف ورزی پر گرفتار کیا ہے۔ یہ افراد سعودی عرب کے سمندری علاقوں میں بغیر اجازت ماہی گیری کر رہے تھے۔ ان کے خلاف متعلقہ اداروں کے ساتھ رابطے میں رہتے ہوئے قانونی کارروائی کی گئی۔

بارڈر گارڈ نے تمام شہریوں سے اپیل کی ہے کہ وہ آبی حیات کے تحفظ سے متعلق قوانین اور ہدایات کی پابندی کریں اور اگر کسی کو ماحول یا قدرتی حیات کو نقصان پہنچانے والی سرگرمی نظر آئے تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 994 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔