اتحاد افواج نے خمیس مشیط کی سمت داغا گیا حوثی بیلسٹک میزائل تباہ کر دیا

اتحاد برائے حمایتِ قانونی حکومت یمن کے ترجمان بریگیڈیئر جنرل ترکی المالکی نے بتایا کہ سعودی فضائی دفاع نے خمیس مشیط کی سمت داغا گیا حوثی بیلسٹک میزائل بروقت کارروائی کرتے ہوئے تباہ کر دیا۔

یہ کارروائی اس اعلان کے بعد سامنے آئی ہے جس میں جنرل المالکی نے بتایا تھا کہ حوثی ملیشیا کی جانب سے ریاض کی طرف بھیجی گئی دو ڈرونز کو بھی تباہ کر دیا گیا۔ انہوں نے مزید کہا کہ اتحاد افواج مملکت کی سمت داغے جانے والے میزائلوں اور ڈرونز کی مسلسل نگرانی اور تعاقب کر رہی ہیں۔