بارش میں محفوظ ڈرائیونگ کے لیے ٹریفک پولیس کی 6 اہم ہدایات

سعودی جنرل ڈائریکٹوریٹ آف ٹریفک نے گاڑی چلانے والوں کو بارش کے دوران ڈرائیونگ میں احتیاط برتنے اور ٹریفک ہدایات و رہنما اصولوں پر عمل کرنے کی اپیل کی ہے، تاکہ ان کی اور دیگر سڑک استعمال کرنے والوں کی حفاظت یقینی بنائی جا سکے۔

ٹریفک پولیس نے اپنے سرکاری ایکس اکاؤنٹ پر بارش میں محفوظ ڈرائیونگ کے لیے چند اہم ہدایات جاری کی ہیں، جن میں ٹائروں اور بریکس کی حالت کو یقینی بنانا، وائپرز کا باقاعدہ استعمال، پانی کے جمع ہونے والے مقامات اور سیلابی راستوں سے دور رہنا شامل ہے۔

ان ہدایات میں گاڑیوں کے درمیان مناسب فاصلہ برقرار رکھنے، سڑک کی حالت کے مطابق رفتار کم کرنے اور بارش کے دوران گاڑی کی لائٹس آن رکھنے پر بھی زور دیا گیا ہے تاکہ حد نگاہ بہتر رہے۔

اعرض التغريدة على منصة X

ٹریفک پولیس نے ٹریفک قوانین کی پابندی اور ضروری حفاظتی تدابیر اختیار کرنے کی اہمیت پر بھی زور دیا ہے، خاص طور پر اس وقت جب حد نگاہ کم ہو اور گیلی سڑکوں پر گاڑیوں کے پھسلنے کا خطرہ بڑھ جائے۔