ابشر پر الیکٹرانک نمبر پلیٹس نیلامی کل سے شروع

سعودی محکمہ ٹریفک نے اعلان کیا ہے کہ الیکٹرانک نمبر پلیٹس کی نیلامی کل اتوار سے ابشر پلیٹ فارم پر شروع کی جارہی ہے، جس کے ذریعے خواہشمند افراد منفرد نمبر پلیٹس خرید اور ان پر بولی لگا سکتے ہیں۔

صارفین ابشر پلیٹ فارم پر جا کر 'خدماتی' منتخب کریں، پھر 'ٹریفک' اور اس کے بعد 'الیکٹرانک نمبر پلیٹس نیلامی' سروس میں داخل ہوں۔

سروس میں داخل ہونے کے بعد صارف اپنی گاڑی کی پلیٹس کی قسم منتخب کرے گا، جس کے بعد دستیاب پلیٹس اس کے سامنے آجائیں گی اور وہ ان پر آن لائن بولی میں حصہ لے سکے گا۔

ایکس پر اصل پوسٹ دیکھیں

محکمہ ٹریفک نے منفرد نمبر پلیٹس کے خواہشمند افراد کو ابشر پلیٹ فارم کے ذریعے نیلامی میں حصہ لینے کی دعوت دی ہے اور واضح کیا ہے کہ اس سروس کے ذریعے بولی کا عمل مکمل طور پر الیکٹرانک ہوگا۔