مدینہ منورہ میں نائجیرین خاتون کو منشیات اسمگلنگ پر سزائے موت

وزارت داخلہ نے جمعرات کو اعلان کیا کہ مدینہ منورہ میں نائجیریا سے تعلق رکھنے والی خاتون فاطمہ تائیوو فہم کو کوکین اسمگلنگ کے جرم میں سزائے موت دی گئی ہے۔

وزارت کے مطابق، سیکیورٹی اداروں نے ملزمہ کو گرفتار کیا اور تفتیش کے بعد اس پر جرم ثابت ہوا۔ مقدمہ متعلقہ عدالت میں پیش کیا گیا، جہاں اس کے خلاف جرم ثابت ہونے پر سزائے موت کا فیصلہ سنایا گیا۔ یہ فیصلہ اعلیٰ عدالتوں سے بھی توثیق کے بعد حتمی قرار پایا اور اس پر عمل درآمد کے لیے شاہی فرمان جاری ہوا۔

سزائے موت جمعرات 6 ربیع الآخر 1448ھ بمطابق 17 ستمبر 2026ء کو مدینہ منورہ میں نافذ کی گئی۔

منشیات اسمگلنگ اور فروخت پر انتباہ

وزارت داخلہ نے کہا ہے کہ سعودی حکومت شہریوں اور مقیم افراد کو منشیات کی لعنت سے محفوظ رکھنے کے لیے پرعزم ہے اور منشیات اسمگل کرنے یا فروخت کرنے والوں کے خلاف سخت ترین سزائیں نافذ کی جاتی ہیں۔ وزارت نے خبردار کیا کہ اس نوعیت کے جرائم میں ملوث ہر شخص کو مقررہ شرعی سزاؤں کا سامنا کرنا پڑے گا۔