وزارت تجارت کا فورد برونکو اور راپٹر گاڑیاں واپس منگوانے کا اعلان

وزارت تجارت نے 2021 سے 2026 ماڈل کی 3680 فورد برونکو اور برونکو راپٹر گاڑیاں واپس منگوانے کا اعلان کیا ہے۔ یہ فیصلہ ان گاڑیوں کے انجن کے حصے میں وائرنگ کی حفاظت میں خرابی کے باعث کیا گیا ہے، جس سے وائرنگ کو نقصان پہنچنے اور شارٹ سرکٹ کا خدشہ ہے، جو آگ لگنے یا حادثے کا سبب بن سکتا ہے۔

وزارت نے اپنے سرکاری ایکس اکاؤنٹ پر جاری بیان میں وضاحت کی کہ یہ خرابی چوٹ لگنے کے خطرے میں بھی اضافہ کر سکتی ہے۔ وزارت نے متاثرہ گاڑیوں کے مالکان سے کہا ہے کہ وہ اپنی گاڑی کے چیسز نمبر کی شمولیت کی تصدیق کے لیے Recalls.sa ویب سائٹ پر جائیں۔

ایکس پر مکمل خبر دیکھیں

وزارت نے صارفین کو ہدایت کی ہے کہ وہ مفت مرمت کے لیے کمپنی سے رابطہ کریں۔ اس مقصد کے لیے توکلات الجزیرہ کمپنی کے نمبر (8007492222) یا محمد یوسف ناغی کمپنی کے نمبر (8001240218) پر رابطہ کیا جا سکتا ہے۔