حج و عمرہ کمپنیوں کو تاخیر پر بھاری جرمانے کی وارننگ

سعودی پبلک سکیورٹی نے حج و عمرہ خدمات فراہم کرنے والی کمپنیوں اور اداروں کو خبردار کیا ہے کہ اگر کوئی حاجی یا معتمر مقررہ قیام کی مدت کے بعد بھی مملکت میں مقیم رہے اور اس کی اطلاع متعلقہ حکام کو بروقت نہ دی جائے تو اس پر مالی جرمانہ عائد کیا جائے گا، جو 1 لاکھ سعودی ریال تک ہو سکتا ہے۔

پبلک سکیورٹی کے مطابق یہ جرمانہ صرف ایک خلاف ورزی تک محدود نہیں بلکہ جتنے حاجی یا معتمر خلاف ورزی کریں گے، اتنی ہی بار جرمانہ عائد ہوگا۔ اس اقدام کا مقصد حج و عمرہ خدمات کے نظام پر نگرانی کو مضبوط بنانا اور زائرین کی بروقت روانگی کو یقینی بنانا ہے۔

اعرض التغريدة على منصة X

پبلک سکیورٹی نے شہریوں اور مقیم غیر ملکیوں سے بھی اپیل کی ہے کہ وہ اقامہ، لیبر اور سرحدی قوانین کی خلاف ورزی کرنے والوں کی اطلاع دیں۔ مکہ مکرمہ، مدینہ منورہ، ریاض اور مشرقی ریجن میں اس مقصد کے لیے 911 اور باقی علاقوں میں 999 پر رابطہ کیا جا سکتا ہے۔

حکام نے یقین دہانی کرائی ہے کہ اس نوعیت کی تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔