مشرقی ریجن اور الخرج میں خطرہ ٹل گیا، شہری دفاع کا اعلان

سعودی محکمہ شہری دفاع نے اعلان کیا ہے کہ مشرقی ریجن اور الخرج میں خطرہ ٹل گیا ہے۔ یہ اعلان منگل کی صبح ہنگامی حالات کے لیے قومی ابتدائی انتباہی پلیٹ فارم کے ذریعے الرٹ جاری کیے جانے کے بعد سامنے آیا۔

شہری دفاع نے شہریوں سے اپیل کی ہے کہ وہ اپنی حفاظت کے لیے اس کی ہدایات پر عمل جاری رکھیں، ہجوم بنانے اور فوٹو گرافی سے مکمل طور پر گریز کریں، اور کسی بھی ہنگامی صورت میں 911 پر رابطہ کریں۔

محکمہ نے خبردار کیا ہے کہ میزائل یا ڈرون حملوں کی روک تھام یا ان کے گرنے کی جگہوں کی تصاویر لینا، شائع کرنا یا اس سے متعلق معلومات پھیلانا قانونی کارروائی کا باعث بن سکتا ہے۔