مدینہ منورہ اور گرد و نواح میں درمیانے درجے کی بارش کی پیش گوئی

قومی مرکز برائے موسمیات نے آج منگل کو مدینہ منورہ ریجن میں درمیانے درجے کی بارش کی پیش گوئی کی ہے، جس کے اثرات میں تیز رفتار ہوائیں، افقی حد نگاہ میں کمی، ژالہ باری، سیلابی ریلے اور گرج چمک شامل ہیں۔ یہ وارننگ مدینہ منورہ شہر کے علاوہ بدر اور وادی الفرع کے اضلاع کے لیے بھی جاری کی گئی ہے۔

مرکز کے مطابق یہ موسمی صورتحال دوپہر ایک بجے سے شروع ہو کر رات نو بجے تک برقرار رہ سکتی ہے۔