امام ترکی بن عبداللہ ریزرو میں غیرقانونی چرواہے کی گرفتاری

ماحولیات کے تحفظ کے لیے قائم خصوصی فورس نے ایک شہری کو امام ترکی بن عبداللہ شاہی ریزرو، ریاض میں ممنوعہ مقامات پر 10 اونٹ چراتے ہوئے گرفتار کیا ہے۔

فورس کے مطابق، خلاف ورزی کرنے والے کے خلاف ضابطے کے مطابق کارروائی کی گئی ہے۔ فورس نے بتایا کہ ممنوعہ علاقوں میں ہر اونٹ چرانے پر 500 سعودی ریال جرمانہ عائد کیا جاتا ہے۔

فورس نے شہریوں سے اپیل کی ہے کہ اگر وہ ماحول یا جنگلی حیات پر کسی بھی قسم کے حملے کی اطلاع دینا چاہیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر رابطہ کریں۔

ماحولیات کی خصوصی فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔