طویق قدرتی محفوظہ میں ممنوعہ مقام پر آگ لگانے پر شہری گرفتار

خصوصی ماحولیاتی سکیورٹی فورس نے ایک شہری کو ماحولیاتی نظام کی خلاف ورزی پر گرفتار کیا ہے۔ مذکورہ شہری نے طویق قدرتی محفوظہ میں نباتاتی تحفظ سے متعلق ہدایات کی خلاف ورزی کرتے ہوئے مخصوص مقامات کے علاوہ آگ جلائی تھی۔ اس کے خلاف قانونی کارروائی عمل میں لائی گئی ہے۔

فورس نے واضح کیا کہ جنگلات اور قومی پارکوں میں مخصوص مقامات کے علاوہ آگ جلانے پر تین ہزار سعودی ریال تک جرمانہ عائد کیا جا سکتا ہے۔ فورس نے شہریوں پر زور دیا ہے کہ وہ ماحول یا جنگلی حیات پر کسی بھی قسم کے حملے کی صورت میں مکہ مکرمہ، مدینہ منورہ، ریاض اور مشرقی ریجن میں 911 اور مملکت کے دیگر علاقوں میں 999 یا 996 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔