مدینہ منورہ میں شدید بارشوں پر محکمہ موسمیات کا ریڈ الرٹ

محکمہ موسمیات نے مدینہ منورہ ریجن کے مختلف حصوں میں شدید بارشوں کے امکان پر انتباہ کی سطح بڑھا کر ریڈ الرٹ جاری کر دیا ہے۔ اس انتباہ میں مدینہ منورہ شہر، الحناکیہ اور المہد کے اضلاع شامل ہیں، جہاں تیز ہوائیں، حد نگاہ میں کمی اور گرج چمک کے ساتھ بارش متوقع ہے۔

محکمہ موسمیات کے مطابق یہ صورتحال کل اتوار دوپہر بارہ بجے سے شروع ہو کر رات آٹھ بجے تک برقرار رہے گی۔ شہریوں کو ہدایت کی گئی ہے کہ وہ احتیاطی تدابیر اختیار کریں اور متعلقہ اداروں کی جانب سے جاری کردہ حفاظتی ہدایات پر عمل کریں۔