مشرقی ریجن میں بھارتی شہری ماحولیاتی آلودگی پر گرفتار

ماحولیاتی سکیورٹی فورس نے ایک بھارتی شہری کو مشرقی ریجن میں کنکریٹ مواد پھینک کر ماحول کو آلودہ کرنے اور زمین کو نقصان پہنچانے کے الزام میں گرفتار کیا ہے۔ اس کے خلاف ضابطے کے مطابق کارروائی کرتے ہوئے متعلقہ اداروں کے حوالے کر دیا گیا۔

فورس کے مطابق، زمین کو براہ راست یا بالواسطہ نقصان پہنچانے، آلودہ کرنے یا اس کی قدرتی خصوصیات کو متاثر کرنے والے کسی بھی عمل پر زیادہ سے زیادہ 10 ملین سعودی ریال جرمانہ عائد کیا جا سکتا ہے۔ فورس نے شہریوں سے اپیل کی ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔