عسیر میں حرس الحدود نے 52 کلوگرام منشیات اسمگل کرنے والے دو ایتھوپیائی گرفتار کر لیے

عسیر کے ظہران الجنوب سیکٹر میں حرس الحدود کی زمینی گشتی ٹیموں نے سرحدی سیکیورٹی قوانین کی خلاف ورزی کرنے والے دو ایتھوپیائی باشندوں کو 52 کلوگرام منشیات (حشیش) اسمگل کرنے کی کوشش پر گرفتار کر لیا۔

ان دونوں کے خلاف ابتدائی قانونی کارروائی مکمل کر کے انہیں اور ضبط شدہ منشیات کو متعلقہ ادارے کے حوالے کر دیا گیا ہے۔

اعرض التغريدة على منصة X

سیکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں 911، جبکہ دیگر علاقوں میں 999 اور 994 پر رابطہ کریں۔ اس کے علاوہ منشیات کنٹرول ڈائریکٹوریٹ کی ہیلپ لائن 995 اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہوگی۔