تحالف نے حوثیوں کے بیلسٹک میزائل سازکارخانے تباہ کر دیے

تحالف برائے حمایتِ یمن کے ترجمان بریگیڈیئر جنرل ترکی المالکی نے بتایا کہ اتحادی افواج نے حوثی ملیشیا کے زیر انتظام بیلسٹک میزائلوں کے پرزے تیار اور اسمبل کرنے والا کارخانہ تباہ کر دیا ہے۔

جنرل المالکی نے مزید کہا کہ کارروائیوں میں بیلسٹک میزائلوں کے ایندھن (ٹھوس ایندھن) کی تیاری اور مکسنگ کے کیمیکل کارخانے کو بھی نشانہ بنایا گیا۔

انہوں نے یہ بھی بتایا کہ بیلسٹک میزائلوں کے لیے مخصوص الیکٹرانک سسٹمز کی اسمبلنگ کی لیبارٹری بھی تباہ کر دی گئی ہے۔

المالکی نے اس عزم کا اعادہ کیا کہ اتحادی افواج حوثی ملیشیا کے بیلسٹک میزائل نیٹ ورک کو کمزور اور غیر مؤثر بنانے کی کارروائیاں جاری رکھیں گی۔