سعودی وزیر خارجہ کی پیرس میں فرانسیسی ہم منصب سے علاقائی امور پر گفتگو

سعودی وزیر خارجہ شہزادہ فیصل بن فرحان بن عبداللہ نے آج پیرس میں فرانس کے وزیر برائے یورپ و خارجہ امور جان نوئل بارو سے ملاقات کی۔ یہ ملاقات جی سیون (G7) وزارتی اجلاس کے موقع پر ہوئی۔

ملاقات کے آغاز میں شہزادہ فیصل بن فرحان نے جی سیون کی صدارت اور سعودی عرب کو اجلاس میں مدعو کرنے پر فرانس کا شکریہ ادا کیا۔

دونوں وزرائے خارجہ نے ملاقات میں حالیہ علاقائی پیش رفت، مملکت پر حوثی ملیشیا کے مسلسل حملوں اور خطے میں بحرانوں کے حل کے لیے مشترکہ کوششوں پر تبادلہ خیال کیا۔ اس موقع پر آبی گذرگاہوں کی سلامتی، بحری نقل و حمل کی آزادی اور خطے کے امن و استحکام کو برقرار رکھنے پر بھی بات چیت ہوئی۔

اس ملاقات میں سعودی عرب کے فرانس میں سفیر ڈاکٹر فیصل بن سعود المجفل بھی موجود تھے۔