جیزان میں خطرہ ٹل گیا، شہری دفاع کی تصدیق

سعودی شہری دفاع کے ادارے نے اعلان کیا ہے کہ جیزان شہر سے خطرہ ٹل گیا ہے، تاہم شہریوں اور رہائشیوں کو ہدایت کی گئی ہے کہ وہ متعلقہ اداروں کی جانب سے جاری کردہ ہدایات اور رہنمائی پر عمل درآمد جاری رکھیں۔

شہری دفاع نے اپنے ایکس اکاؤنٹ پر تمام شہریوں اور مقیم افراد پر زور دیا ہے کہ وہ اس کی سرکاری چینلز پر جاری کردہ ہدایات پر عمل کریں، متاثرہ مقامات یا واقعات کی جگہوں پر ہجوم سے گریز کریں اور عوامی سلامتی کے پیش نظر بالکل بھی تصاویر نہ بنائیں، تاکہ فیلڈ ٹیموں کے کام میں رکاوٹ نہ آئے۔

اس سے قبل شہری دفاع نے جیزان شہر میں ہنگامی حالات کے لیے قومی انتباہی پلیٹ فارم کے ذریعے خطرے سے متعلق انتباہ جاری کیا تھا۔

شہری دفاع نے مزید کہا کہ اس کی ہدایات پر عمل اور خطرے والے مقامات سے دور رہنا جان و مال کے تحفظ اور فیلڈ ٹیموں کی بہترین کارکردگی کے لیے ضروری ہے۔

ادارے نے یہ بھی واضح کیا کہ ہنگامی صورت حال میں فوری اطلاع اور مدد کے لیے 998 پر رابطہ کیا جا سکتا ہے۔