حوثیوں کا مکہ کو نشانہ بنانے پر اصرار ان کے اصل عزائم ظاہر کرتا ہے

یمنی سیاسی تجزیہ کار ڈاکٹر فارس البیل نے کہا ہے کہ حوثیوں کا مکہ کو نشانہ بنانے پر اصرار ان کے مقدسات اسلامی کے مخالف ایرانی منصوبے کی حقیقت کو واضح کرتا ہے۔

انہوں نے 'العربیہ ایف ایم' سے گفتگو میں مزید کہا کہ حوثیوں کے اقدامات اس منصوبے کی اصل فطرت کو بے نقاب کرتے ہیں، جس کی بنیاد اسلامی مقدسات سے شدید دشمنی پر ہے۔ پہلے وہ ارض حرمین شریفین کے خلاف دشمنی دکھاتے ہیں اور پھر ہر حال میں دعویٰ کرتے ہیں کہ وہ دین اسلام سے تعلق رکھتے ہیں، حالانکہ اس جماعت کی تعلیمات ان عبادات اور شعائر کے خلاف ہیں۔

انہوں نے مزید کہا کہ حوثی ملیشیا یہ اشتعال انگیز اقدامات اس لیے کرتی ہے کیونکہ یہ ایک خطرناک گروہ ہے، جس کے پاس نہ کوئی سیاسی حکمت عملی ہے اور نہ ہی کوئی منظم طریقہ کار۔ ان کے یہ اقدامات مسلمانوں، ان کے مقدسات اور ارض حرمین کے خلاف کھلی دشمنی کو ظاہر کرتے ہیں۔ ساتھ ہی وہ ایران کو یہ پیغام دینے کی کوشش کرتے ہیں کہ وہ ان علاقوں تک پہنچنے کی صلاحیت رکھتے ہیں۔

انہوں نے کہا کہ اب تک حوثی ملیشیا کی تمام کوششیں مکمل طور پر ناکام رہی ہیں اور یمن کے شہریوں اور سعودی عرب کے اندر شہریوں پر میزائل داغنے سے بڑی کوئی اور جرم نہیں ہو سکتا۔

اعرض التغريدة على منصة X