مکہ مکرمہ میں موسمی صورتحال: شہریوں کو احتیاط برتنے کی ہدایت

سعودی محکمہ دفاع مدنی نے مکہ مکرمہ کے مختلف حصوں میں موسمی صورتحال کے باعث شہریوں کو احتیاط اور حفاظتی ہدایات پر عمل کرنے کی ہدایت کی ہے۔ یہ انتباہ قومی مرکز برائے موسمیات کی جانب سے جاری کیے گئے ریڈ الرٹ کے بعد جاری کیا گیا ہے۔

محکمہ نے اپنے سرکاری ایکس اکاؤنٹ پر بتایا کہ علاقے میں موسلا دھار بارشیں متوقع ہیں، اس لیے شہری زیادہ سے زیادہ احتیاط برتیں اور پانی کے جمع ہونے والے مقامات، وادیوں اور ڈیموں کے قریب جانے سے گریز کریں تاکہ اپنی اور دوسروں کی حفاظت کو یقینی بنایا جا سکے۔

دفاع مدنی نے بارش کے دوران حفاظتی ہدایات پر عمل کرنے اور سیلابی ریلوں کو عبور کرنے سے باز رہنے پر بھی زور دیا ہے۔