عسیر میں شہری منشیات فروشی کے الزام میں گرفتار

سعودی محکمہ انسداد منشیات نے عسیر ریجن میں ایک شہری کو 2.2 کلو گرام چرس اور 2,423 ایمفیٹامین گولیاں فروخت کرنے کے الزام میں گرفتار کر لیا ہے۔

محکمے نے اپنے ایک بیان میں، جو ایکس پلیٹ فارم پر جاری کیا گیا، بتایا کہ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے پبلک پراسیکیوشن کے حوالے کر دیا گیا ہے۔

ایکس پر اصل پوسٹ دیکھیں

سکیورٹی اداروں نے شہریوں اور مقیم افراد سے اپیل کی ہے کہ اگر انہیں منشیات کی اسمگلنگ یا فروخت سے متعلق کوئی معلومات ہوں تو وہ مکہ مکرمہ، مدینہ منورہ، ریاض اور شرقیہ ریجن میں 911، جبکہ باقی علاقوں میں 999 یا 994 پر اطلاع دیں۔ اس کے علاوہ محکمہ انسداد منشیات کے ہیلپ لائن 995 یا ای میل (Email:[email protected]) پر بھی رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے کی شناخت ظاہر نہیں کی جائے گی۔