قصیم میں دو شہری حشیش فروخت کرتے گرفتار

قصیم ریجن میں سڑکوں کی خصوصی فورس نے دو شہریوں کو سات کلوگرام منشیات حشیش گاڑی میں چھپا کر فروخت کرنے کی کوشش پر گرفتار کر لیا۔

سعودی پبلک سکیورٹی نے اپنے ایکس اکاؤنٹ پر بتایا کہ ملزمان کو حراست میں لے کر ان کے خلاف قانونی کارروائی کی گئی ہے اور انہیں متعلقہ ادارے کے حوالے کر دیا گیا ہے۔

سکیورٹی اداروں نے شہریوں اور مقیمین سے اپیل کی ہے کہ منشیات کی اسمگلنگ یا فروخت سے متعلق کسی بھی معلومات کی صورت میں فوری اطلاع دیں۔ مکہ مکرمہ، ریاض اور شرقیہ ریجنز میں (911) اور باقی مملکت میں (999) پر رابطہ کریں۔ جنرل ڈائریکٹوریٹ برائے انسداد منشیات کی ہیلپ لائن (995) اور ای میل [email protected] پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا۔

ایکس پر اصل پوسٹ دیکھیں