سعودی و کوریائی وزرائے دفاع کی حوثی حملوں کی مذمت

سعودی وزیر دفاع شہزادہ خالد بن سلمان بن عبدالعزیز نے آج جنوبی کوریا کے وزیر دفاع کانگ شین چول سے ٹیلیفون پر گفتگو کی۔

شہزادہ خالد بن سلمان نے اپنے کوریائی ہم منصب کو جنوبی کوریا کا وزیر دفاع مقرر ہونے پر مبارکباد دی۔

دونوں وزرائے دفاع نے اس موقع پر سعودی عرب اور جنوبی کوریا کے درمیان دفاعی تعاون کے امکانات اور خطے کی تازہ صورتحال سمیت باہمی دلچسپی کے امور پر تبادلہ خیال کیا۔

دونوں رہنماؤں نے خطے اور دنیا میں امن کے قیام کی کوششوں کی حمایت کی اہمیت پر زور دیا اور سعودی عرب پر حوثی دہشت گرد حملوں کی شدید مذمت کی۔