ریاض میں ماحولیاتی قوانین کی خلاف ورزی پر 4 افراد گرفتار

ریاض ریجن میں ماحولیاتی تحفظ کی خصوصی فورس نے پاکستانی، مصری اور یمنی شہریت رکھنے والے چار غیرملکیوں کو قدرتی ذخائر کے استحصال کے الزام میں گرفتار کیا ہے۔

فورس کے مطابق کارروائی کے دوران چار مشینیں بھی ضبط کی گئیں جو مٹی کی کھدائی اور نقل و حمل میں استعمال ہو رہی تھیں۔

فورس نے بتایا کہ خلاف ورزی کرنے والوں کے خلاف قانونی کارروائی عمل میں لائی گئی ہے اور شہریوں سے اپیل کی ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 996 پر دیں۔

فورس نے یہ بھی واضح کیا کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔