سعودی کابینہ کی حوثی حملوں کی مذمت پر سلامتی کونسل کے بیان کا خیرمقدم

سعودی کابینہ نے اقوام متحدہ کی سلامتی کونسل کے ارکان کے اس بیان کا خیرمقدم کیا ہے جس میں حوثی ملیشیا کے دہشت گرد حملوں اور ان کی مجرمانہ کارروائیوں کی مذمت کی گئی ہے جو علاقائی سلامتی اور سمندری نقل و حمل کی آزادی کے لیے خطرہ ہیں۔

کابینہ نے ایک بار پھر اس عزم کا اعادہ کیا کہ مملکت کو اپنے امن و سلامتی اور وسائل کے دفاع کا حق حاصل ہے، اور اس نے یمن کی قانونی حکومت اور اقوام متحدہ کی امن و استحکام کی کوششوں کی مستقل حمایت جاری رکھنے کا اعادہ کیا۔

خادم الحرمین الشریفین شاہ سلمان بن عبدالعزیز آل سعود کی زیر صدارت کابینہ کا اجلاس آج جدہ میں منعقد ہوا۔