مدینہ منورہ میں منشیات فروشی پر ایتھوپیائی شہری گرفتار

مدینہ منورہ ریجن کی پولیس نے سرحدی سیکیورٹی قوانین کی خلاف ورزی کرنے والے ایک ایتھوپیائی شہری کو حشیش اور ایمفیٹامین جیسی منشیات فروخت کرنے کے الزام میں گرفتار کر لیا ہے۔

سعودی پبلک سیکیورٹی نے اپنے ایکس اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے متعلقہ ادارے کے حوالے کر دیا گیا ہے۔

سیکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور شرقیہ ریجن میں (911) جبکہ باقی مملکت میں (999) اور (994) پر رابطہ کیا جا سکتا ہے۔ اس کے علاوہ جنرل ڈائریکٹوریٹ آف نارکوٹکس کنٹرول کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام معلومات مکمل رازداری کے ساتھ لی جائیں گی اور اطلاع دینے والے پر کوئی ذمہ داری عائد نہیں ہو گی۔

اعرض التغريدة على منصة X