سعودی ترقیاتی فنڈ: دمشق میں ترقیاتی منصوبوں کی ترجیحات شامی حکومت سے مشاورت سے طے ہوئیں

سعودی ترقیاتی فنڈ کے چیف ایگزیکٹو سلطان المرشد نے کہا ہے کہ شام میں ترقیاتی منصوبوں کی ترجیحات شامی حکومت کے ساتھ مشاورت سے طے کی گئی ہیں۔ ان کا کہنا تھا کہ صحت، تعلیم، رہائش، توانائی اور پانی کے شعبے شام میں معمولات زندگی کی بحالی اور شہریوں کی بنیادی ضروریات پوری کرنے کے لیے سب سے اہم ہیں۔

سلطان المرشد نے الاخباریہ چینل کو دیے گئے ایک انٹرویو میں بتایا کہ فنڈ نے شام کے ساتھ مجموعی طور پر 403 ملین ڈالر مالیت کے چھ معاہدے کیے ہیں، جن کا مقصد دونوں ملکوں کے درمیان ترقیاتی تعاون کو فروغ دینا ہے۔ ان معاہدوں میں شامل ہیں:

تغریر X پر دیکھیں

• حلب تھرمل پاور اسٹیشن کی بحالی کے لیے 90 ملین ڈالر مختص کیے گئے ہیں، جس سے شام کی بجلی کی 25 فیصد سے زائد ضرورت پوری ہوگی۔

• پینے کے پانی کی فراہمی کے منصوبوں کی ترقی کے لیے 30 ملین ڈالر رکھے گئے ہیں۔

• 10 ہزار تک متاثرہ رہائشی یونٹس کی بحالی اور مرمت کے لیے 60 ملین ڈالر مختص کیے گئے ہیں۔

• کئی اسپتالوں کی تعمیر اور بحالی کے لیے 100 ملین ڈالر فراہم کیے گئے ہیں۔