ماحولیاتی سکیورٹی فورس نے ریاض میں تین افراد گرفتار کر لیے

خصوصی ماحولیاتی سکیورٹی فورس نے ریاض ریجن میں قدرتی ذخائر کے غیر قانونی استحصال پر تین یمنی باشندوں کو گرفتار کر لیا ہے۔ یہ کارروائی قدرتی وسائل کے تحفظ اور ماحولیاتی خلاف ورزیوں کی روک تھام کے سلسلے میں کی گئی۔

فورس کے مطابق، اس موقع پر مٹی کی کھدائی اور نقل و حمل میں استعمال ہونے والی 11 مشینیں بھی ضبط کر لی گئیں اور خلاف ورزی کرنے والوں کے خلاف قانونی کارروائی عمل میں لائی گئی ہے۔

ماحولیاتی سکیورٹی فورس نے شہریوں اور مقیم افراد پر زور دیا ہے کہ وہ ماحول یا جنگلی حیات کے خلاف کسی بھی خلاف ورزی کی اطلاع دیں۔ مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 996 پر رابطہ کیا جا سکتا ہے۔ فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔