سعودی و ترک وزرائے خارجہ کا علاقائی کشیدگی کم کرنے پر تبادلہ خیال

سعودی وزیر خارجہ شہزادہ فیصل بن فرحان بن عبداللہ کو آج جمعرات کے روز جمہوریہ ترکی کے وزیر خارجہ ہاکان فیدان کا ٹیلیفون موصول ہوا۔

دونوں وزرائے خارجہ نے اس موقع پر سعودی عرب اور ترکی کے درمیان دوطرفہ تعاون کے مختلف پہلوؤں، خصوصاً علاقائی استحکام کے فروغ پر تبادلہ خیال کیا۔

دونوں رہنماؤں نے خطے میں کشیدگی کم کرنے اور علاقائی تناؤ کو قابو میں رکھنے کے لیے مشترکہ کوششوں کی اہمیت پر زور دیا اور اس حوالے سے دونوں ممالک کے درمیان مسلسل رابطے اور تعاون جاری رکھنے کا اعادہ کیا۔