خطر ختمیش مشیط اور ابہا سے ٹل گیا، شہری دفاع کی اہم ہدایات

سعودی محکمہ شہری دفاع نے جمعرات کو اعلان کیا ہے کہ خمیس مشیط اور ابہا میں خطرہ ٹل گیا ہے۔ اس سے قبل ان علاقوں کے لیے وارننگ جاری کی گئی تھی۔

محکمہ شہری دفاع نے کہا ہے: "آپ کی سلامتی کے لیے ضروری ہے کہ شہری دفاع کی ہدایات پر عمل جاری رکھیں، ہجوم اور فوٹوگرافی سے مکمل طور پر گریز کریں، اور ہنگامی صورت میں (998) پر رابطہ کریں۔"

اسی حوالے سے محکمہ شہری دفاع نے ابہا کے رہائشیوں کے لیے بھی وارننگ جاری کی تھی۔ بتایا گیا کہ قومی ایمرجنسی وارننگ پلیٹ فارم سے ابہا میں خطرے کی اطلاع دی گئی تھی، تاہم بعد میں اس کے خاتمے کی تصدیق کر دی گئی۔

اس موقع پر شہری دفاع نے درج ذیل احتیاطی تدابیر اختیار کرنے کی ہدایت کی ہے:

• پرامن رہیں اور سرکاری ہدایات پر عمل کریں

• فوراً کسی قریبی محفوظ جگہ یا عمارت کے اندرونی کمرے میں چلے جائیں اور خطرہ ختم ہونے تک وہیں رہیں

• خطرہ ختم ہونے تک گھر یا عمارت سے باہر نہ نکلیں

• کھلی جگہوں، شیشے کے قریب اور بالکونی یا چھت پر کھڑے ہونے سے گریز کریں

• اگر باہر ہوں تو قریبی عمارت میں داخل ہو جائیں یا کسی مضبوط دیوار کے پیچھے پناہ لیں

• ہجوم اور فوٹوگرافی سے مکمل طور پر گریز کریں اور خطرناک مقامات سے دور رہیں

• اگر آپ گاڑی میں ہیں اور وارننگ موصول ہو تو سڑک کے کنارے رک جائیں، پلوں اور بلند عمارتوں سے دور رہیں

• اگر کسی خطرے کا مشاہدہ کریں تو مکہ مکرمہ، مدینہ منورہ، ریاض اور مشرقی ریجن میں (911) اور باقی علاقوں میں (998) پر رابطہ کریں

• سرکاری ذرائع سے جاری کردہ ہدایات پر عمل کریں