ممنوعہ علاقے میں اونٹ چرانے پر شہری گرفتار

خصوصی فورس برائے ماحولیاتی تحفظ نے ایک شہری کو ماحولیاتی نظام کی خلاف ورزی پر گرفتار کیا ہے۔ اس پر الزام ہے کہ اس نے شاہ عبدالعزیز رائل ریزرو کے ممنوعہ علاقوں میں 30 اونٹ چرائے۔ اس کے خلاف قانونی کارروائی عمل میں لائی گئی ہے۔

فورس نے واضح کیا کہ اونٹ چرانے کی خلاف ورزی پر ہر اونٹ کے حساب سے 500 سعودی ریال جرمانہ عائد کیا جائے گا۔ فورس نے شہریوں پر زور دیا ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 پر اور مملکت کے دیگر علاقوں میں 999 یا 996 پر دیں۔ فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔