ریاض میں مقامی لکڑی فروخت کرنے والا شہری گرفتار

ریاض ریجن میں خصوصی روڈ سکیورٹی فورس نے ایک شہری کو ماحولیاتی قوانین کی خلاف ورزی پر گرفتار کیا، جس کے پاس فروخت کے لیے مقامی لکڑی موجود تھی۔ ضبط شدہ مال متعلقہ ادارے کے حوالے کردیا گیا۔

سعودی پبلک سکیورٹی نے اپنے بیان میں کہا کہ یہ کارروائی وزارت داخلہ کی جانب سے شہروں، قصبوں اور شاہراہوں پر مقامی کوئلہ اور لکڑی کی غیرقانونی خرید و فروخت کی نگرانی کے سلسلے میں کی گئی ہے، اور اس حوالے سے مختلف پلیٹ فارمز پر غیرقانونی تشہیر پر بھی نظر رکھی جارہی ہے۔

پبلک سکیورٹی نے شہریوں سے اپیل کی ہے کہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں (911) اور دیگر علاقوں میں (996) یا (999) پر دیں۔

اعرض التغريدة على منصة X