برلن میں گاڑی کی ٹکر سے ایک ہلاک، 15 زخمی

برلن پولیس کے مطابق، ہفتہ کی شام جرمن دارالحکومت میں ایک گاڑی ہجوم پر چڑھ دوڑی، جس کے نتیجے میں ایک شخص ہلاک اور 15 افراد زخمی ہو گئے۔

پولیس نے ایکس پر جاری بیان میں کہا کہ وہ ہنگامی ٹیموں کے ساتھ شہر کے وسطی علاقے تیرگارتن پارک میں واقع برانڈنبرگ گیٹ کے قریب اس واقعے سے نمٹ رہی ہے، جہاں ایک گاڑی نے متعدد افراد کو ٹکر ماری۔

پولیس کا کہنا ہے کہ مشتبہ افراد کی تلاش کے لیے بڑے پیمانے پر کارروائیاں جاری ہیں۔

واضح رہے کہ اس واقعے سے قبل جرمن دارالحکومت میں سالانہ کرسٹوفر اسٹریٹ ڈے کی تقریبات کے لیے لاکھوں افراد جمع ہوئے تھے، تاہم حادثے کے بعد تقریبات روک دی گئیں۔