غیرملکی کارکن کی خدمت فرد کو منتقل کرنے کے تین شرائط

وزارت افرادی قوت و سماجی بہبود نے غیرملکی کارکن کی خدمات کمپنی سے کسی فرد کو منتقل کرنے کے لیے شرائط مقرر کی ہیں۔

وزارت کے مطابق، اس منتقلی کے لیے پہلی شرط یہ ہے کہ کارکن کا ورک پرمٹ فعال ہو اور مطلوبہ پیشہ گھریلو ملازمتوں میں شامل ہو۔

شرائط میں یہ بھی شامل ہے کہ کارکن اعلیٰ پیشوں سے تعلق نہ رکھتا ہو، جیسے تعلیمی، فنی، طبی، خصوصی یا وہ پیشے جو سو فیصد سعودیوں کے لیے مختص ہیں۔

مالک کی منظوری کے بغیر منتقلی

وزارت افرادی قوت و سماجی بہبود نے اس سے قبل واضح کیا تھا کہ اگر کسی کارکن کا ورک پرمٹ اور اقامہ ختم ہو جائے تو اسے موجودہ مالک کی منظوری کے بغیر بھی دوسری کمپنی میں منتقل کیا جا سکتا ہے۔

وزارت نے یہ بھی بتایا کہ فی الحال فرد سے کمپنی میں خدمت کی منتقلی اور پیشے کی تبدیلی کی سہولت دستیاب نہیں ہے۔

وزارت کے مطابق، مالک کی منظوری کے بغیر منتقلی ان صورتوں میں ممکن ہے: اگر کارکن کا ورک پرمٹ اور اقامہ ختم ہو چکے ہوں، تین ماہ مسلسل تنخواہ نہ ملی ہو، یا کارکن کے خلاف غیرحاضری کی جھوٹی رپورٹ ثابت ہو جائے۔