ام شہری کے لیے اقامہ تجدید کا نیا طریقہ جاری

سعودی محکمہ پاسپورٹ نے ام شہری خواتین کے لیے اقامہ تجدید کی نئی الیکٹرانک سہولت کی تفصیلات جاری کر دی ہیں، جس کے تحت وہ اپنے ابشر اکاؤنٹ کے ذریعے اقامہ کی تجدید کر سکتی ہیں۔

محکمہ پاسپورٹ نے ایکس پلیٹ فارم پر بتایا کہ اس سہولت سے فائدہ اٹھانے کے لیے سب سے پہلے ابشر ویب سائٹ پر لاگ ان کریں، پھر 'میری خدمات' منتخب کریں، اس کے بعد 'پاسپورٹ' اور آخر میں 'مقیمین کی خدمات' کا انتخاب کریں۔

تغریدہ ایکس پر دیکھیں

زائر کی ڈیجیٹل شناخت

سعودی محکمہ پاسپورٹ نے ابشر پلیٹ فارم پر زائرین کے لیے ڈیجیٹل شناخت دیکھنے کی سہولت بھی فراہم کر دی ہے، جس سے زائرین کو اپنی معلومات تک آسان رسائی مل سکے گی۔

محکمہ کے مطابق اس سہولت سے فائدہ اٹھانے کے لیے ابشر ویب سائٹ پر لاگ ان کریں، پھر ابشر کی فوری خدمات منتخب کریں۔

اس کے بعد صارف 'ڈیجیٹل وزیٹر کارڈ' منتخب کرے، مطلوبہ معلومات درج کرے اور پھر 'تلاش' کے بٹن پر کلک کر کے ڈیجیٹل شناخت دیکھ سکتا ہے۔