سعودی عرب میں سردی، بارش اور دھند کا امکان

آج بدھ 24 جمادی الثانی 1448 کو سعودی عرب کے مختلف علاقوں میں گرج چمک کے ساتھ بارش، ژالہ باری اور گرد و غبار اٹھانے والی تیز ہواؤں کا سلسلہ جاری رہنے کا امکان ہے۔ یہ صورتحال جازان، عسیر، الباحہ، مکہ مکرمہ، مدینہ منورہ، حائل، الجوف اور شمالی حدود کے علاوہ قصیم اور مشرقی ریجن کے شمالی حصوں میں بھی متوقع ہے۔ ان علاقوں کے بعض حصوں میں دھند بننے کا بھی امکان ظاہر کیا گیا ہے۔

آج کا موسم

بحر احمر کے حوالے سے پیشگوئی ہے کہ اس کے شمالی حصے میں سطحی ہوائیں شمال مغرب سے شمال کی جانب 18 سے 38 کلومیٹر فی گھنٹہ کی رفتار سے چلیں گی، جو خلیج عقبہ کی سمت 48 کلومیٹر فی گھنٹہ تک پہنچ سکتی ہیں۔ درمیانی حصے میں ہوائیں شمال مغرب سے شمال کی سمت 12 سے 35 کلومیٹر فی گھنٹہ جبکہ جنوبی حصے میں جنوب مشرق سے مشرق کی سمت 12 سے 32 کلومیٹر فی گھنٹہ کی رفتار سے چلیں گی، جو باب المندب کی طرف 50 کلومیٹر فی گھنٹہ تک پہنچ سکتی ہیں۔

شمالی حصے میں موجوں کی اونچائی ایک سے ڈیڑھ میٹر تک رہے گی، جو خلیج عقبہ کی سمت دو میٹر تک جا سکتی ہے۔ درمیانی اور جنوبی حصوں میں موجوں کی اونچائی آدھے میٹر سے ڈیڑھ میٹر تک جبکہ باب المندب کی سمت دو میٹر سے زیادہ تک پہنچ سکتی ہے۔