ابشر سفر برائے زائرین: بری سرحدوں سے آنے والوں کے لیے نئی سہولت

ابشر پلیٹ فارم نے 'ابشر سفر برائے زائرین' سروس کی تفصیلات جاری کی ہیں، جو سعودی عرب میں بری سرحدی راستوں سے آنے والوں کے لیے مخصوص ہے۔ اس سروس کے ذریعے مسافر اور گاڑی کی معلومات سمیت سفر کی تمام ضروریات آن لائن مکمل کی جا سکتی ہیں، جبکہ گاڑی کا بیمہ بھی سرحد پر پہنچنے سے پہلے کرایا جا سکتا ہے۔

پلیٹ فارم کے مطابق یہ سروس اس وقت دستیاب ہے اور ایپ کے ذریعے اجرا کے چھ ماہ بعد اس کا استعمال لازمی قرار دے دیا جائے گا۔

خلیجی اور غیر خلیجی زائرین جو بری سرحدوں سے سعودی عرب آ رہے ہیں، وہ اس سروس سے فائدہ اٹھا سکتے ہیں اور اس کے لیے ایپ میں لاگ ان کرنا ضروری نہیں۔

سروس سے استفادے کے لیے ابشر ایپ میں داخل ہوں، عمومی خدمات میں 'ابشر سفر برائے زائرین' منتخب کریں، شناخت کی قسم طے کریں، مسافر اور گاڑی کی معلومات درج کریں، سفر کی نئی درخواست بنائیں، سرحدی راستہ اور متوقع تاریخ منتخب کریں اور گاڑی کا بیمہ مکمل کریں۔

ایکس پر اصل پوسٹ دیکھیں