حوثیوں کا مقدسات پر حملہ دو ارب مسلمانوں کی توہین ہے: صالح المغامسی

امام مسجد نبوی شریف، شیخ صالح المغامسی نے کہا ہے کہ حوثیوں کی جانب سے اسلامی مقدسات کو نشانہ بنانا دنیا بھر کے دو ارب مسلمانوں کے جذبات کی واضح توہین ہے، جو اپنی نمازوں اور دعاؤں میں بیت اللہ کی طرف رخ کرتے ہیں۔

المغامسی نے ٹی وی چینل 'الاخباریہ' سے گفتگو میں واضح کیا کہ مکہ مکرمہ اور مدینہ منورہ کو ایسی مقدس حیثیت حاصل ہے جسے کسی صورت نقصان نہیں پہنچایا جا سکتا۔ انہوں نے کہا کہ تاریخ گواہ ہے کہ مکہ اور مدینہ کی حرمت کو صرف قرامطہ نے چوتھی صدی ہجری کے آغاز میں پامال کرنے کی جرأت کی تھی۔

اعرض التغريدة على منصة X

المغامسی نے اس بات پر زور دیا کہ اسلامی دنیا ان حملوں کو دین اور مسلمانوں کی مقدس ترین مقامات پر کھلی جسارت سمجھتی ہے۔