ممنوعہ مقام پر آگ لگانے پر شہری گرفتار

خصوصی فورس برائے ماحولیاتی تحفظ نے ایک شہری کو ماحولیات کے ضوابط کی خلاف ورزی پر اس وقت گرفتار کیا جب اس نے شاہ سلمان رائل ریزرو میں مخصوص مقامات کے علاوہ جگہ پر آگ جلائی۔ اس کے خلاف قانونی کارروائی عمل میں لائی گئی۔

فورس نے واضح کیا کہ جنگلات اور قومی پارکوں میں مخصوص مقامات کے علاوہ آگ جلانے پر تین ہزار سعودی ریال تک جرمانہ عائد کیا جا سکتا ہے۔ فورس نے شہریوں سے اپیل کی کہ اگر وہ ماحول یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔