سعودی عرب کا بحری جہازرانی پر فیسوں کی مخالفت، توانائی کے تحفظ پر زور

وزیر خارجہ شہزادہ فیصل بن فرحان نے سعودی عرب کے اس مؤقف کی تصدیق کی ہے کہ وہ بحری جہازرانی پر کسی قسم کی فیس عائد کرنے کا مخالف ہے۔

وزیر خارجہ نے اس بات پر بھی زور دیا کہ سعودی عرب عالمی سطح پر توانائی کے تحفظ کے لیے پرعزم ہے۔ انہوں نے کہا کہ مشرق تا مغرب پائپ لائن نے توانائی کی فراہمی میں خلل کو کم کرنے میں اہم کردار ادا کیا ہے۔

اقوام متحدہ کی جنرل اسمبلی سے خطاب میں ان کا کہنا تھا کہ توانائی کی فراہمی کا استحکام یقینی بنانا سب کی مشترکہ ذمہ داری ہے، جس کے لیے عالمی تعاون ناگزیر ہے۔

انہوں نے مزید کہا کہ آج کی دنیا کو زیادہ حکمت، ذمہ داری اور تعاون کی ضرورت ہے۔ ان کا کہنا تھا کہ سعودی عرب اپنے شراکت داروں کے ساتھ مل کر پُرامن حل کے راستے مضبوط بنانے کے لیے کام جاری رکھے گا۔