تعلیمی نصاب میں 22 مضامین کی تجدید، 50 اے آئی یونٹس شامل

وزیر تعلیم یوسف البنیان نے اعلان کیا ہے کہ نئے تعلیمی سال کے نصاب میں 22 مضامین کو اپ ڈیٹ کیا گیا ہے، جبکہ مصنوعی ذہانت کے 50 تعلیمی یونٹس بھی شامل کیے گئے ہیں۔ یہ اقدامات مملکت میں تعلیمی نظام کی بہتری کے منصوبوں کا حصہ ہیں۔

یوسف البنیان نے حکومتی پریس کانفرنس میں بتایا کہ وزارت نے گزشتہ تین برسوں کے دوران ملک بھر کے تمام اسکولوں کا جائزہ لیا ہے، جس کا مقصد تعلیمی نتائج کو بہتر بنانا ہے۔ انہوں نے کہا کہ اساتذہ کے لیے ایک جامع پیشہ ورانہ تربیتی منصوبہ تیار کیا گیا ہے، جو تعلیمی نظام کی سب سے بڑی تربیتی مہمات میں سے ایک ہے۔

انہوں نے واضح کیا کہ وزارت مختلف درجات میں 2 لاکھ 40 ہزار تعلیمی عملے کو تربیت دے گی، جبکہ 5 لاکھ تعلیمی عہدوں پر فائز افراد کے لیے پیشہ ورانہ ترقی کی ایک ڈیجیٹل پلیٹ فارم بھی قائم کی جائے گی۔

اساتذہ پر بوجھ کم کرنے کے لیے وزارت، سدايا اور ہیومائن کے ساتھ مل کر ایک تجرباتی منصوبہ شروع کر رہی ہے، جس سے اساتذہ کے انتظامی اور عملیاتی امور میں آسانی ہوگی۔

اعرض التغريدة على منصة X

یوسف البنیان نے اس بات پر زور دیا کہ کوئی بھی معلم اپنے شعبے کے علاوہ کسی اور مضمون کی تدریس نہیں کرے گا۔ انہوں نے مزید کہا کہ اساتذہ اور معلمات کا حاضری پروگرام ہر اسکول کے منظور شدہ شیڈول کے مطابق دن کے اختتام پر ہوگا۔

وزیر تعلیم نے بتایا کہ 45 ہزار سے زائد طلبہ و طالبات باصلاحیت افراد کے لیے مخصوص اسکولوں میں زیر تعلیم ہیں، جبکہ 4 ہزار سے زائد اساتذہ کو باصلاحیت طلبہ کی شناخت کے لیے تربیت دی گئی ہے۔ اسی طرح 4 لاکھ 95 ہزار سے زائد طلبہ و طالبات نے مختلف مقابلوں میں حصہ لیا ہے۔

انہوں نے مزید کہا کہ وزارت نے کئی خصوصی اسکول قائم کیے ہیں جن کا مقصد طلبہ کی صلاحیتوں کو پروان چڑھانا ہے۔

ابتدائی بچپن کے حوالے سے یوسف البنیان نے بتایا کہ اس مرحلے میں داخلے کی شرح 35 فیصد سے تجاوز کر گئی ہے، جبکہ وزارت کا ہدف ہے کہ 2030 کے اختتام تک یہ شرح 90 فیصد تک پہنچ جائے۔

یوسف البنیان نے کہا کہ وزارت نے نجی تعلیم میں 1 لاکھ 60 ہزار اضافی نشستوں کے لیے 200 اسکول عمارتیں فراہم کی ہیں، جبکہ "مدرستی" پلیٹ فارم پر 500 سے زائد ڈیجیٹل کتب دستیاب ہیں۔

انہوں نے بتایا کہ بیرون ملک تعلیم کے حوالے سے 70 فیصد سعودی طلبہ دنیا کی 50 بہترین جامعات میں زیر تعلیم ہیں۔